इन्फ्लुएन्जाबाट सप्तरीमा तीनको ज्यान गयो

प्रकाशित मिति: September 13, 2018 8:19 am

भदौ २८, काठमाडौं – सप्तरीको कञ्चनरूप नगरपालिकामा इन्फ्लुएन्जाका कारण तीनजनाको मृत्यु भएको छ । सो क्षेत्रमा अहिले सरुवा रोग नियन्त्रण महाशाखा (इडिसिडी)को टोलीले रगतको नमुना संकलन गरेको छ ।

मृत्यु हुनेमा कञ्चनरूप नगरपालिका–३ बरमझियाका १४ वर्षीय किशोर राम, वडा नम्बर–७ धरमपुरका १४ वर्षीय दिवस बस्नेत र वडा नम्बर–९ रूपनगरका १४ वर्षीय आमोदकुमार राम छन् । तीनैजनालाई उच्च ज्वरो आएको र केही दिनमै नाक र मुखबाट रगत आएर मृत्यु भएको स्थानीयले जनाएका छन् ।

जिल्ला जनस्वास्थ्य कार्यालय सप्तरीका प्रमुख जनस्वास्थ्य अधिकृत निरञ्जनप्रसाद यादवका अनुसार सो क्षेत्रमा बिरामीको रगतको नमुना संकलन गरिएको छ । इडिसिडी, धरानस्थित बिपी कोइराला स्वास्थ्य विज्ञान प्रतिष्ठान, विश्व स्वास्थ्य संगठन र जनस्वास्थ्य कार्यालयसहितको टोलीले रगतको नमुना संकलन गरेको हो ।

उच्च ज्वरो आएको केही दिनमै फरक–फरक ठाउँका, तर उस्तै उमेर समूहका किशोरको मृत्युको कारण खोज्न धरानस्थित बिपी कोइराला स्वास्थ्य विज्ञान प्रतिष्ठानका सात चिकित्सकको टोलीले बिरामीको जाँच गरेर फर्किएको छ । इडिसिडीका डा. प्रकाशप्रसाद साह, ल्याब टेक्नेसियन डबल बिसी, जनस्वास्थ्य अधिकृत रेशम लामिछाने, राष्ट्रिय जनस्वास्थ्य प्रयोगशालाका लोकनाथ भट्टराई, विश्व स्वास्थ्य संगठनकी डा. सोनिया भगत, जनस्वाथ्य अधिकृत यादवसहित, प्राथमिक स्वास्थ्य केन्द्रको टोलीले रगतको नमुना संकलन र बिरामीको जाँच गरेको हो ।

टोलीले प्राथमिक स्वास्थ्य केन्द्रमा तीन दिन निःशुल्क स्वास्थ्य शिविरसमेत सञ्चालन गरेको छ । २६ भदौसम्म सञ्चालित शिविरमा कञ्चनरूप वडा नम्बर ३, ७ र ९ का पाँचदेखि २० वर्ष उमेर समूहका एक हजार एक सय २२ बालबालिका तथा किशोर–किशोरीको जाँच गरिएको जनस्वास्थ्य अधिकृत यादवले उल्लेख गरे । नयाँपत्रिकामा खबर छ ।

सम्बन्धित शीर्षकहरु

जुवाको खालबाट पाँचजना उद्योगपति पक्राउ

कार्तिक २६, काठमाडौं – मोरङको बूढीगंगा गाउँपालिका–१ स्थित गंगाचोकबाट प्रहरीले ठूलो रकमसहित पाँचजना......

प्रधानमन्त्रीको शरीर कुकुरको टाउकोमा जोडेर फेसबुकमा सेयर गर्दा

कार्तिक २६, काठमाडौं – विद्यार्थी नेता प्रक्राउ परेको भन्दै विरोधमा आइतबार काभ्रेका सबै विद्यालय बन्द......