ब्रेकिङ न्युज

विश्वकप छनोटमा नेपालको विशाल जीत

प्रकाशित मिति: April 12, 2019 6:29 pm

चैत २९, काठमाडौं – मलेसियामा आजदेखि सुरु भएको आइसीसी यु–१९ विश्वकप छनोटमा नेपालले विजयी सुरुवात गरेको छ । आज मलेसियाको सेलाङगोर टर्फ क्लवमा भएको खेलमा नेपालले सिंगापुरलाई २१८ रनले पराजित गरेको हो । यससँगै नेपाल २ अंकसहित नेट रनरेटको आधारमा अंक तालिकाको शीर्ष स्थानमा पुगेको छ । आजै ओमनलाई हराएको कुवेत दोस्रो स्थानमा छ ।

टस हारेर ब्याटिङको निम्तो पाएको नेपालले रोहित पौडेलको कप्तानी इनिङमा राशिद खान र कमल सिंह ऐरीको तुफानी ब्याटिङ थपिएपछि नेपालले ४६ ओभरमा अलआउट हुँदै २८२ रन बनाएको थियो । नेपालको लागि कप्तान रोहित पौडेल शतक बनाउनबाट चुके । उनले ९५ रन बनाए । १०७ बल खेलेका उनले ७ चौका र एक छक्का प्रहार गरे । राशिद खानले आक्रामक ब्याटिङ गर्दै ४ चौका र २ छक्का प्रहार गरे तर उनी पनि अर्धशतबाट चुके । राशिदले ४६ रन बनाए । कमल सिंह ऐरीले तुफानी ब्याटिङ गर्दै १८ बलमा ३१ रन बनाए । उनले ३ छक्का प्रहार गरे । पवन शर्राफले ४७ र भीम शार्कीले २६ रन बनाए ।

जवाफी ब्याटिङमा उत्रिएको सिंगापुर ३१ ओभर खेल्दै ६५ रनमै अलआउट भयो । सिंगापुरका लागि इशान सावनेले २८ र साइ वेनुगोपालले १८ रन बनाए । तर अन्य कुनै पनि ब्याट्सम्यानले दोहोरो अंकमा रन बनाउन नसकेपछि सिंगापर ६५ रनमै अलआउट भयो । नेपालको लागि पवन सर्राफले ३ विकेट लिए । कुशल मल्ल र सूर्य तामाङले २–२ तथा राशिद खानले १ विकेट लिए ।

सम्बन्धित शीर्षकहरु

एकैदिन थपिए ७२ जना कोरोना संक्रमित, काठमाडौँमा पनि ३ जना थपिए

जेठ १२, काठमाडौँ – नेपालमा सोमबार ७२ जना कोरोनाभाइरसका संक्रमित थपिएका छन्। स्वास्थ्य मन्त्रालयले......

बर्षाले भाबुक हुँदै माफ मागिन्, अब आइन्दा सोचेर बोल्छु (हेर्नुहोस् भिडियो)

आज बिहानदेखि वर्षा राउतले दिएको अभिव्यक्त्तिलाई लिएर सामाजिक सञ्जाल तातेको छ । उनलाई गाली गर्नेको ठूलो......