जेठ १५ देखि ‘केभीएस कप’ फुटबल हुने

प्रकाशित मिति: May 27, 2019 3:49 pm

काठमाडौँ – ‘विद्यालयहरु सँगको सुमधुर सम्बन्ध निर्माण गर्दै प्रतिभाशाली खेलाडीको उत्पादन’ भन्ने नारा सहित काठमाडौको गैरीगाउँ सिनामंगल स्थित काठमाडौँ विनायक शिक्षालय केभीएसको आयोजनामा अन्तर विधालय स्तरीय छात्र फुटबल प्रतियोगिता ‘केभीएस कप २०७६’ को आयोजना हुने भएको छ ।

केभीएस कप फुटबल प्रतियोगिताको विषयमा आज संवाद चौतारीमा पत्रकार सम्मेलनको आयोजना गरि आयोजक काठमाडौ विनायक शिक्षालयले जानकारी गराएको छ । जेठ १५ गते गणतन्त्र दिवसको दिन देखि सुरु हने प्रतियोगीता जेठ २५ गते सम्म नक्साल स्थित सानो गौचन खेल मैदानमा संचालन हुने छ ।
प्रतियोगीतामा काठमाडौका कुल १६ वटा विधालयहरुको सहभागीता रहने र सहभागी टिमलाई ४ समुहमा विभाजन गरि लिग बेसिसमा प्रतिष्पर्धा गराई उत्कृष्ट ८ टोली छनोट गरेर प्रतिष्पर्धा गराइने आयोजकले जनाएको छ ।

प्रतियोगिताका विजयी प्रथम ,द्धितिय तथा सेमिफाइनललिष्ट टोलिहरुलाई क्रमश नगद पचास हजार ,तीस हजार र दश दश हजार सहित टफि र प्रमाणपत्र प्रदान गरिने छ ।

प्रतियोगीतको उद्घाटन जेठ १५ गते बुधवार सानोगौचरण खेल मैदानमा राष्टिय खेलकुद परिषदका सदस्य सचिव केशवकुमार विष्टले गर्ने बताइएको छ । प्रतियोगीताका सम्पुर्ण खेलहरु नेशनल रेफ्री र एन्फाका रेफ्रीहरुले संचालन गर्ने छन् । १० दिन सम्म चल्ने प्रतियोगितामा ७ लाख खर्च हुने अनुमान आयोजकले गरेको छ । प्रथम केभीएस कपले विधार्थीहरुको चौतर्फी विकासमा सहयोगीहुने र देशका लगी योग्य खेलाडि उत्पादनमा सहयोग पुर्याउने उदेश्यले प्रतियोगीता आयोजना गरिएको केभीएसका प्रिन्सिपल सम्झना लामाले जानकारी दिनुभयो ।

सम्बन्धित शीर्षकहरु

गुठीसम्बन्धी संसदमा पुगेको विधेयकको विवादीत

काठमाडौं – सरकारले गत वैशाख १७ गते राष्ट्रिय सभामा एउटा विधेयक दर्ता ग¥यो । त्यो विधेयक थियो गुठीसम्बन्धी......

विकास खर्चबाट ३ सय ३४ सांसदलाई एक–एक लाखको ल्यापटप

जेठ ३२, काठमाडौँ – निर्वाचन क्षेत्र विकासका नाममा आगामी आर्थिक वर्षका लागि सांसदलाई ६ करोडका दरले बजेट......