सुत्केरीलाई प्रोत्साहनस्वरुप ५०० भत्ता

प्रकाशित मिति: August 13, 2019 5:53 pm

भीमदत्तनगर – सुत्केरी भएपछि नियमित स्वास्थ्य जाँच गराउने महिलालाई कञ्चनपुरको कृष्णपुर नगरपालिकाले प्रोत्साहनस्वरुप रु ५०० भत्ता दिँदै आएको छ। सुत्केरी भएपछि नियमितरूपमा गराउनुपर्ने स्वास्थ्य जाँच गराउन प्रोत्साहनस्वरुप महिलालाई भत्ताको व्यवस्था गरिएको नगरपालिकाका स्वास्थ्य संयोजक गजेन्द्र विष्टले बताए ।

“स्वास्थ्य जाँच नगराउँदा आमा र बच्चाको ज्यान जोखिममा पर्ने खतरा बढ्न थालेपछि नगरपालिकाले भत्ता दिने निर्णय गत वर्ष गरेको थियो”, संयोजक विष्टले भने, “नगरपालिकाले नगरभित्रका महिलाको सवालमा यस्तो पहल गरेको हो।” सुत्केरी भएपछि २४ घण्टा, तीन दिन र सात दिनमा गराउनुपर्ने स्वास्थ्य जाँच नियमितरूपमा गर्ने महिलालाई रु ५०० दिने व्यवस्था नगरपालिकाले गरेको छ।

गत आर्थिक वर्ष नगरपालिकाले प्रोत्साहनस्वरुप स्वास्थ्य जाँच गराउँदा रु ३०० का दरले भत्ता वितरण गरेको थियो । “चालू आवबाट भत्ता रकम बढाएर रु ५०० पुर्याएका छौँ”, विष्टले भने, “नियमित जाँच नगराउँदा रक्तश्राव र बच्चाको तौल कम हुनेजस्ता समस्या देखा पर्न सक्छन् ।”

स्वास्थ्य जाँच गराएवापत प्रोत्साहन रकम पाइने भएपछि नगरपालिकाका अधिकांश सुत्केरी महिलाले नियमित स्वास्थ्य जाँच गर्न थालेको नगरपालिकाले जनाएको छ । गत आर्थिक वर्षमा भने ४४३ महिलाले सुत्केरीपछि नियमित स्वास्थ्य जाँच गराएको नगरपालिकाले जनाएको छ।

नगरपालिकामा आर्थिक २०७४र७५ मा ५४९ महिला सुत्केरी भएकामा ५२ महिला मात्रै नियमित स्वास्थ्य जाँच गराउन स्वास्थ्य संस्थामा आएका थिए। रासस

सम्बन्धित शीर्षकहरु

प्रश्नपत्र ‘आउट’ गरेर क्याम्पस प्रमुख र सीईओका छोराछोरीलाई परीक्षा

काठमाडौँ – गण्डकी मेडिकल कलेजमा एमबीबीएस पहिलो वर्षको परीक्षाको प्रश्नपत्र आउट गर्दै क्याम्पस प्रमुख र......

सागको फाइनलमा नेपाल, माल्दिभ्सविरुद्ध नेपालको शानदार जीत

मंसीर १९, पोखरा – पोखरामा जारी १३ औं दक्षिण एसियाली खेलकुद (साग) अन्तर्गत महिला फुटबल खेलमा आज नेपालले......