ब्रेकिङ न्युज

१५ भन्दा बढी बैंकका एटिएमहरु अनिश्चितकालका लागि बन्द

प्रकाशित मिति: September 1, 2019 12:00 pm

काठमाडौँ – ह्याकरको निशानामा परेपछि अधिकांश बैंकले आफ्नो एटिएमहरु बन्द गरेका छन्।

शनिबार राति प्रहरीले नबिल बैंकको एटीएमबाट ठूलो रकम निकालिरहेको अवस्थामा ५ जना चिनियाँ नागरिकहरुलाई दरबारमार्ग क्षेत्रबाट पक्राउ गरेको थियो । घटनापछि इलेक्ट्रोनिक पेमेन्ट सिस्टम लिमिटेड (नेप्स) मा आवद्ध १५ भन्दा बढी बैंकले आफ्नो सेवा अनिश्चितकालका लागि बन्द गरेको हो।

ति बैंकहरुले नेप्सले बनाएको सफ्टवेयर प्रयोग गर्दै आएका थिए। नेप्समा सनराइज, प्रभु माछापुच्छ्रे, सिद्धार्थ, सिटिजन, एनआईसी एसिया, बैंक अफ काठमाडौँ, प्राइम, नेपाल बंगलादेश, ग्लोबल आईएमई र जनता बैंक आवद्द छन् । त्यस्तै देव विकास बैंक, ज्योति, ओम, शाइन रेसुंगा, शंग्रिला, एक्सेल र लुम्बिनी विकास बैंक पनि यसमा आवद्ध छन् ।

ह्याकरले यो सफ्टवेयरमै ह्याक गरेपछि बैंकहरुले सुरक्षाका लागि सेवा बन्द गरेको हो। तर, बैंकहरुले यसबारे आधिकारिक जानकारी भने दिएको छैन । सेवाग्राहीहरुले भने आफ्नो एकाउन्टबाट पैसा नआएको भन्दै सामाजिक संजालहरुमा गुनासो गरिरहेका छन् ।

सम्बन्धित शीर्षकहरु

सभामुख निर्वाचनका लागि केहि बेरमा बैठक बस्दै

काठमाडौं – प्रतिनिधिसभाको रिक्त सभामुख पदको निर्वाचन आज केहीबेरपछि बस्ने बैठकमा हुँदैछ । सो पदका लागि......

एम्बुलेन्समा गाँजा तस्करी !

हेटौंडा – सरकारबाट अनुदानमा प्राप्त स्वास्थ्य चौकीको एम्बुलेन्समा लागू औषध गाँजा तस्करी गर्ने ३ जना......