ब्रेकिङ न्युज

भरतपुर अस्पतालमा ज्वरोका बिरामी हालसम्मकै बढी

प्रकाशित मिति: September 9, 2019 4:00 pm

काठमाडौँ – भरतपुर अस्पतालमा आइतबार हालसम्मकै बढी बिरामीले बहिरङ्ग सेवामा टिकट काटेका छन्। उक्त दिन एक हजार ९ सय २२ बिरामी अस्पताल आएकामा ९ सय भन्दा बढी मेडिकल विभागका रहेका थिए।

अस्पतालका सूचना अधिकारी लीलाधर पौडेलका अनुसार मेडिकल विभागका लागि टिकट काटेकामध्ये अधिकांश ज्वरोका बिरामी थिए। तीमध्ये धेरैलाई डेङ्गु र केहीलाई इन्फ्लुएन्जा भएको पौडेलले जानकारी दिए। अस्पतालका मेडिकल विभाग प्रमुख डा प्रकाश खतिवडाका अनुसार विभागमा पाँच जना मात्र विशेषज्ञ चिकित्सक रहेका छन्।

नयाँ ९ सय र पुराना ३ सय भन्दा बढी बिरामी अस्पताल आएपछि चिकित्सकले सबै बिरामी हेर्न नसकेको उनले जानकारी दिए। बाँकी रहेका करीब एक सय लाई आज पहिलो प्राथमिकतामा राखेर परीक्षण गरिएको उनले बताए। अहिलेको चिकित्सकको सङ्ख्याले यो चाप थेग्न नसक्ने खतिवडाको भनाइ छ।

सामान्य समयमा ४ सय ५० हाराहारी नयाँ र १ सय ५० पुराना हेर्दै आएकामा एकाएक दोब्बरभन्दा बढी बिरामी थपिएको तर चिकित्सक उही भएपछि अस्पतालमा धान्न मुस्किल परेको खतिवडाको भनाइ छ। चाप निकै बढेका कारण अस्पतालभित्र ‘फिवर क्लिनिक’ सञ्चालन गर्ने विषयमा छलफल भइरहेको उनले बताए खतिवडाका अनुसार अस्पतालभित्रका अन्तरङ्ग सेवाका मेडिकल वार्ड र क्याबिनहरु पनि ज्वरोका बिरामीले भरिएका छन्। करीब १ सय २० ज्वरोका बिरामी अस्पतालमा भर्ना भएको बताइएको छ।

जिल्लाका दुई मेडिकल कलेज र २० निजी अस्पताल पनि ज्वरोका बिरामीले भरिएका छन्। स्वास्थ्य कार्यालयं चितवनका किट नियन्त्रक राम केसीका अनुसार साउन यता आइतबार साँझसम्म तीन हजार ४ सय जनाको डेङ्गु परीक्षण गरिएकामा एक हजार २ सय ६ जनामा सङ्क्रमण देखिएको छ। डेङ्गुकै कारण दुई जनाको मृत्यु समेत भइसकेको छ।

सम्बन्धित शीर्षकहरु

काभ्रेको रोशी गाउँपालिकामा ३ दिन सार्वजनिक विदा

काठमाडौँ – सरकारले तीन दिन सार्वजनिक विदा दिने निर्णय गरेको छ । काभ्रेको रोशी गाउँपालिकाले सोनाम......

आस्था राउतलाई प्रहरीले जुनसुकै बेला समात्न सक्ने (भिडियो)

काठमाडौँ – गायिका आस्था राउतविरू*द्ध जिल्ला प्रशासन कार्यालय काठमाडौंले प*क्राउ पूर्जी जारी गरेको छ ।......