‘प्रेम गीत ३’को शुभमुहूर्तसँगै छायाँकन सुरु

प्रकाशित मिति: November 8, 2019 8:26 pm

काठमाडौं– अभिनेता प्रदीप खड्काको मुख्य भूमिका रहेको चलचित्र ‘प्रेम गीत ३’को छायाँकन सुरु भएको छ । शुक्रबार काठमाडौँस्थित दक्षिणकाली मन्दिरमा शुभमुहूर्तसँगै चलचित्रको छायाँकन सुरु गरिएको हो ।

प्रदीप खड्का, क्रिस्टिना गुरुङ, शिव श्रेष्ठ, सुनिल थापा, सन्तोष सेन, मनिष राउत, पुष्कर कार्की, प्रेम पुरी, कृष्टिना गुरुङ, क्रिजन गौतम, अनुभव रेग्मी, समृद्धी शाही ठकुरी, योगिसा खत्री, माओत्से गुरुङ, लक्ष्मी बर्देवा लगायतका कलाकारको अभिनय रहने फिल्म धेरै पुरानो प्रेमकथामा बन्न लागेको हो ।

सन्तोष सेन र छेतेन गुरुङको संयुक्त निर्देशन रहेको फिल्मका निर्माता निर्देशक सेन नै हुन् । कल्याण सिंह र एलिश कार्कीको संगीत, राजेश श्रेष्ठको डिओपी, हिमाल केसीको एक्सन, कविराज गहतराजको नृत्य रहेन फिल्म बनिश शाह र भुपेन्द्र अधिकारीले सम्पादन गर्नेछन् ।

निर्देशक गुरुङ र मन्दिप गौतमले फिल्मको कथा तयार पारेका हुन् । चक्रबहादुर चन्द र डम्बर विक्रम सेन कार्यकारी निर्माता रहेको फिल्ममा कुमार सेन र ओएसआर डिजिटल सह–निर्माताका रुपमा छन् ।

सम्बन्धित शीर्षकहरु

पदबहालीलगत्तै महिलामन्त्री पार्वत गुरुङको पहिलो कामः सुत्केरी हुन नसकी अचेत दुई महिलाको उद्दार

काठमाडौं – महिला बालबालिका तथा जेष्ठ नागरिकमन्त्री पार्वत गुरुङले पदबहालीकै दिन सुत्केरी हुन नसकी ज्यान......

महराद्धारा उच्च अदालतमा निबेदन दर्ता

काठमाडौं – निवर्तमान सभामुख कृष्णबहादुर महराले काठमाडौँ जिल्ला अदालतको पुर्पक्षका लागि आफूलाई थुनामा......