कविता : प्रेम दिवस र रातो गुलाब !

प्रकाशित मिति: February 14, 2020 6:24 pm

एन.बी.अन्जान
प्रेमिल जोशमा रापिएको
प्रेम दिवश
यानकी भेलेनटाइन डे
अमुर्त सपना सजाएर
प्रारम्भ हुन्छ
उषाका किरण बनेर
या
उजाड मरुभुमि बनेर
यहिबाट जीवनका
प्रतिबिम्बित स्वप्निल यात्रा
यो गुलाबको फूल झैं ।

लैला मन्जुलको प्रेम होस्

या, मुना मदनको प्रेम
या त काले र भुन्टिको
भावनात्मक प्रेम होस्
आखिर
मुटु मुटुसंगको नाता
अनि
धड्कन धड्कन बीचको
पारस्परिक सम्बन्ध
प्रेम, प्रेमी, प्रेमिकासंगको
तृतिप्त उमंगको होस् ।

यहि गुलाबी प्रेम बिच
नाम्लाको डामले निर्मित
पसिनाको तालु पोखरी
सुक्न पाउदैन
त्यो रातो गुलाबको फूलको सट्टा
तिखा तिखा काडाहरु सुल बनेर
मुटुमा रोपिदा
यो भेलेनटाइन डे
यानकी
प्रेम दिवशसंगको नाता माथी
प्रश्न छ
प्रति उत्तर आउछ भने
मुटुमा बिझेका काडाहरु
फूल साबित हुन सक्छ
तिम्रो प्रेमिल यो
गुलाबी मुस्कानमा, मायामा ।
त्यो रातो फूल
गुलाबको फूल
प्रेमिल गुलाबी फूल
बर्षेनि दुष्ट नजरहरुसंग
बर्षेनि तिखा काडाहरुसंग
पौठेजोरी खेल्दै
बिवशता बिचमा पनि
फुुर्लुङ्ग मुस्कुराइ दिन्छ
फूल बनेर
अनि
इश्र्यालु नजर रोकिन सक्दैन
र टिपिन्छ
प्रेम दिवश
यानकी
भेलेनटाइन डे मा
प्रेमको सुचक
प्रेमको प्रतिक
रातो गुलाब
स्वीकार्ने कोहि छ ?

तर बिवश
सदा झैं यो घायल मुटु
हावाले भरिएको बेलुन झैं
प्वाट फुट्छ
तप्प तप्प रगतका थोपाहरु
मुठि भित्र कैद हुन्छ
पैतालाको कुल्चाइमा
रातो गुलाब
स्वागतार्थ तल्लिन हुन्छ
बर्षेनि भेलेनटाइन डे
यानकी
प्रेम दिवशमा
त्यो रातो गुलाब
मेरा लागि
बिवश बिवश हुन्छ ।

सम्बन्धित शीर्षकहरु

भोलि देखि सार्वजनिक यातायात चल्ने, भाडा ५० प्रतिशत बढ्यो

काठमाडौं – सरकारले छोटो दुरीका सार्वजनिक यातायातका साधन सञ्चालन गर्न दिने निर्णय गरेको छ ।......

चार दिनसम्म लगातार भारी बर्षा, यी नदीमा बहाव बढ्न सक्ने

काठमाडौं – मुलुकका विभिन्न चार वटा प्रदेशमा आगामी चार दिन यस वर्षको (मनसुन सक्रिय भएपछिको) अहिलेसम्म कै बढी......