ब्रेकिङ न्युज

आजबाट सरकारले यी ठाउँमा नुन, तेल, चामल र ग्यास बेच्ने

प्रकाशित मिति: March 21, 2020 8:42 am

चैत ८, काठमाडौं – सरकारले शुक्रबारदेखि नुन, तेल, चामल र ग्यास लगायतका अत्यावश्यक सामग्री बेच्ने भएको छ । सरकारले साल्ड ट्रेडिङ कर्पोरेसन र खाद्य व्यवस्था तथा व्यापार कम्पनी मार्फत उपत्यका र आसपासका ८ ठाउँबाट नुन, तेल, चामल र ग्यास लगायतका समान बेच्न लागेको हो ।

यी पसलहरुबाट नागरिकले सुपथ मूल्यमा खरिद गर्न पाउनेछन् । सरकारले कालीमाटी, कोटेश्वर, सतुंगल, बालाजु चावहिल, भक्तपुर र बनेपामा सुपथ मूल्य पसल मार्फत अत्यावश्यक सामग्री सहज रुपमा उपलब्ध गराउन लागेको हो ।

जावलाखेलमा पनि ललितपुर महानगरपालिकासँग मिलेर त्यस्तो पसल सञ्चालन हुनेछ । यी पसलहबाट सरकारले बजार मूल्य भन्दा सस्तो भाउमा अत्यावश्यक सामग्री उपलब्ध गराउनेछ । उद्योग, बाणिज्य तथा आपूर्ति मन्त्री लेखराज भट्टका अनुसार देशभा ६ महिनाका लागि आवश्यक खाद्यान्न रहेको छ भने ८ महिनाका लागि पुग्ने औषधी रहेको र औषधीका लागि आवश्यक कच्चा पदार्थ पनि ६ महिनाका लागि मौज्दात रहेको छ ।

१० महिनाका लागि पुग्ने नुन रहेकाले पनि उपभोक्ता आत्तिनु नपर्ने उनले बताए । ३ महिनाका लागि पुग्ने चीनी सरकारसँग नै रहेको पनि उनले दावी गरे ।

सम्बन्धित शीर्षकहरु

एकैदिन थपिए ७२ जना कोरोना संक्रमित, काठमाडौँमा पनि ३ जना थपिए

जेठ १२, काठमाडौँ – नेपालमा सोमबार ७२ जना कोरोनाभाइरसका संक्रमित थपिएका छन्। स्वास्थ्य मन्त्रालयले......

बर्षाले भाबुक हुँदै माफ मागिन्, अब आइन्दा सोचेर बोल्छु (हेर्नुहोस् भिडियो)

आज बिहानदेखि वर्षा राउतले दिएको अभिव्यक्त्तिलाई लिएर सामाजिक सञ्जाल तातेको छ । उनलाई गाली गर्नेको ठूलो......