पन्ध्रौँ आहा ! रारा गोल्ड कप फुटबल प्रतियोगिताको तयारी तीव्र

प्रकाशित मिति: January 9, 2017 6:38 pm

पुस २५, पोखरा – सहारा क्लब पोखराको आयोजनामा आगामी माघ ४ देखि १५ गतेसम्म पोखरा रङ्गशालामा हुने १५औँ आहा ! रारा गोल्ड कप फुटबल प्रतियोगिताको तयारी तीव्र पारिएको छ ।
हिमश्री फुड्स प्रालिको उत्पादन आहा तथा रारा तयारी चाउचाउको मुख्य प्रायोजनमा हुन लागेको सो प्रतियोगितामा स्वदेशी र विदेशी गरी १२ टिमको सहभागिता रहनेछ ।
‘खेलकुदको विकासमा सहकार्य गरौँ पोखरालाई खेलकुद पर्यटन सहरका रुपमा स्थापित गरौँ’ भन्ने मूल नाराका साथ हुन लागेको सो प्रतियोगितामा कुल रु एक करोड सात लाख ८२ हजार आम्दानी र रु ८२ लाख ९२ हजार ३०० खर्च हुने क्लबका अध्यक्ष वीरभद्र आचार्यले जानकारी दिए ।
प्रतियोगिताबाट बचत भएको रकम क्लबले पोखरा–१७ दोविल्लामा सञ्चालन गर्दै आएको सहारा एकेडेमीमा खर्च गरिने बताएको छ ।
एकेडेमीमा हाल १६ जिल्लाका २८ जना कठिन र विपन्न अवस्थाका बालकलाई निःशुल्क शिक्षादीक्षा र स्वास्थ्य सुविधा प्रदान गरिँदै आएको छ ।

सम्बन्धित शीर्षकहरु

सीमा विवाद रोक्न माग गर्दै सर्वोच्चमा रिट

माघ ९, काठमाडौँ – नेपालका तराई तथा भारतसँग जोडिएका पहाडी तथा हिमाली क्षेत्रमा देखिएका दशगजासम्बन्धी......

एमालेले टुङ्ग्यायो राष्ट्रियसभा उम्मेदवारको नामावली

माघ ९, भक्तपुर – नेकपा (एमाले)को स्थायी कमिटी बैठकले सातवटै प्रदेशका राष्ट्रियसभाका उमेदवारको नामावली......

Displaying hari-om.gif