ब्रेकिङ न्युज

अस्पतालमा सारिन ग्यास हमला भएकोप्रति अमेरिकी चासो

प्रकाशित मिति: February 2, 2018 9:58 pm

माघ १९, वासिङ्टन (संयुक्त राज्य अमेरिका) – अमेरिकाले सिरियाको विद्रोही नियन्त्रित क्षेत्रस्थित चट्टानमा बनेको एउटा अस्पतालमा शक्तिशाली हवाई हमलामा सारिन ग्यास प्रयोग भएको भन्दै यसप्रति चासो व्यक्त गरेको छ ।

अमेरिकी रक्षामन्त्री जेम्स माटिसले हमलामा हानिकारक ग्यास (सारिन)को प्रयोग भएको भन्ने खबर दुखद भएका बताउनुभयो ।

सिरियाको विद्रोही नियन्त्रित क्षेत्रस्थित चट्टानको २० मिटर तल बनेको एउटा अस्पतालमा शक्तिशाली हवाई हमलाले क्षति पुया¥एको अस्पताल स्रोतहरूले बताएका थिए ।

हामा प्रान्तस्थित उक्त अस्पताल देशको सबैभन्दा संरक्षित अस्पताल मानिन्थ्यो जहाँको सेवा बिहीवार यता अवरुद्ध भएको उनीहरूले बताएका छन् । उक्त हमलामा कुनै मानवीय क्षति भने भएको छैन तर सहायताकर्मीका अनुसार सिरियाको अस्पतालमा भएको हमला मध्येको यो सबैभन्दा नराम्रो हो ।

यसैबीच संयुक्त राष्ट्रसंघले सिरियाको घेराबन्दीमा रहेको क्षेत्रमा सहायता पुग्न नसकेको जनाएको छ ।

५० हजार विरामीलाई हेर्ने र एक महिनामै करिब १ सय ५० वटा ठूला अपरेसनहरू हुने उक्त अस्पतालमा ठूलो क्षति पुगेको अस्पताल श्रोतले जनाएको छ । यस बर्षको जनवरीमा मात्रै सिरियाका अस्पतालहरूमा पटक पटक हमला भएको बताइएको छ ।

सम्बन्धित शीर्षकहरु

हेर्दाहेर्दै कर्णालीको पुलबाट एक युवकले नदीको बिचमा हामफाले ! हेर्नुहोस भिडियोमा

तिब्बतको समुद्र सतहबाट ३९६२ मिटर उचाईँमा रहेको “माप्चोचोङ्गो” नामको हिमनदीबाट निस्केर मान सरोवर ताल......

चितवन राष्ट्रिय निकुञ्जमा २६ वटा गैँडा मरे

चितवन राष्ट्रिय निकुञ्जमा गत आर्थिक वर्षमा विभिन्न कारणले २६ वटा गैँडा मरेका छन् निकुञ्जका सूचना अधिकारी......

Displaying hari-om.gif