सभामुख भण्डारीको शपथ

प्रकाशित मिति: February 12, 2018 8:59 pm

माघ २९, विराटनगर – प्रदेश नं १ का प्रदेश प्रमुख डा गोविन्दबहादुर तुम्बाहाङले सभामुखमा नवनिर्वाचित प्रदीपकुमार भण्डारीलाई आज पद तथा गोपनीयताको शपथ गराउनुभएको छ ।

प्रदेशसभाको माघ २९ गतेको बैठकबाट भण्डारी सभामुखमा निर्विरोध निर्वाचित हुनुभएको थियो । नवनिर्वाचित सभामुख भण्डारी सुनसरी क्षेत्र नं १ ‘ख’बाट प्रदेशसभामा निर्वाचित हुनुभएको हो । विसं २०१२ साउन २८ गते संखुवासभामा जन्मनुभएका उहाँ हाल धरान उपमहानगरपालिकाका स्थायी बासिन्दा हुनुहुन्छ । उहाँका बुबा कुलमणि र आमा मोहनकुमारी हुनुहुन्छ ।

सैँतीस वर्षसम्म शिक्षण पेशामा रहनुभएका उहाँ २०७२ सालमा उमेर हदका कारण अवकाश पाएपछि राजनीतिमा सक्रिय हुनुभयो । उहाँ नेकपा (एमाले) जिल्ला सचिवालय सदस्यका साथै धरान नगरसमितिको इञ्चार्ज हुनुहुन्छ । उहाँ २०२७ सालदेखि विद्यार्थी राजनीतिमा सक्रिय भएर लाग्नुभएको थियो ।

पदभार ग्रहण

सभामुख भण्डारीले आज अपराह्न आफ्नो पदभार ग्रहण गर्नुभयो । प्रदेशसभा बैठक सञ्चालन गर्दै उहाँले प्रदेशसभा सचिवमा केदारप्रसाद पनेरुलाई जिम्मेवारी प्रदान गरिएको जानकारी दिनुभयो । संविधानको धारा १८२ (१) कार्यविधि दफा ७ १ का अनुसार उपसभामुखको निर्वाचनको कार्यतालिका आजै प्रकाशन गर्न निर्देश जारी गर्नुभयो ।

सोअनुसार फागुन २ गते मनोनयन दर्ता र फागुन ३ गते निर्वाचन हुनेछ । प्रदेशसभाको अर्को बैठक फागुन ३ गते अपराह्न १ बजे बस्नेछ ।

सम्बन्धित शीर्षकहरु

आफ्ना समर्थकलाई कुटिएपछि काठमाडौं आउन तयार भए डा. केसी

साउन ३, काठमाडौं – २० दिन देखि जुम्लामा अनसनरत रहेका डा. गोविन्द केसी काठमाडौं आउन भएका छन् । चिकित्सा......

अनसनरत डा. केसी काठमाडौं आउन मानेनन्

साउन ३, काठमाडौं – २० दिनदेखि जुम्लामा अनशनरत डा. गोविन्द केसीले काठमाडौं आउन अस्वीकार गरेका छन्। सरकारले......

Displaying hari-om.gif