डा. केसीको पक्षमा पश्चिम अष्ट्रेलियामा प्रदर्शन

प्रकाशित मिति: July 22, 2018 12:14 pm

अष्ट्रेलिया — चिकित्सा शिक्षा क्षेत्रको सुधारका लागि अनसरनरत प्रा.डा. गोविन्द केसीको मागलाई तत्काल पुरा गर्न तथा सरकारबाट भइरहेको हस्तक्षेप तत्काल बन्द गर्न यहाँका नेपालीले माग गरेका छन् ।

आइतबार पश्चिम अष्ट्रेलियाको पर्थमा ऐक्यबद्धता कार्यक्रम गर्दै उनीहरुले डा. केसीको माग समग्र नेपाल र नेपालीहरुको हितमा रहेको बताउँदै उनको माग तत्काल पुरा गर्न आग्रह गरेका हुन् ।

उनीहरुले डा. केसीको अनसनमा भएको सरकारी हस्तक्षेपको समेत विरोध जनाएका थिए । सिड्नी र ब्रिसबनमा रहेका नेपालीहरुले डा. केसीको माग नेपालीहरुको हितमा रहेको भन्दै उनको मागलाई तत्काल पुरा गर्न माग गर्दै प्रदर्शन गरिसकेका छन् ।

स्थानीय युवाहरुले स्वतस्फूर्त रुपमा आयोजना गरेको कार्यक्रमबाट विदेशमा पनि नेपालीहरु उनको मागको पक्षमा रहेको सन्देश दिने रहेको सहभागीहरुको भनाई थियो । कार्यक्रमको आयोजनामा लागिपरेका स्थानीय युवा राज थपलियाले जुन पार्टीको सरकार भएपनि डा. केसीसँग सम्झौतामात्र गर्ने तर माग पुरा नगर्ने प्रवृत्ति रहेको भन्दै यस्तो प्रवृत्तिको अन्त्य हुनुपर्ने बताए ।

उनले एक नेपालीले समग्र नेपालीहरुको हितका लागि आवाज उठाउँदै पटक पटक अनसन बस्नुपर्ने बाध्यता सृजना हुनु लाजमर्दाे भएको समेत दाबी गरे । ब्रजउड पार्कमा आयोजना गरिएको ऐक्यबद्धता कार्यक्रममा सहभागीहरुले डा. केसीको अनसनप्रति सरकारद्वारा भइरहेको हस्तक्षेप अस्विकार्य भएको बताएका थिए ।

सम्बन्धित शीर्षकहरु

काङ्ग्रेसको कार्यालय भवन निर्माण

मङ्सिर २७, दमक – नेपाली काङ्ग्रेस झापा क्षेत्र नम्बर ५ को पक्की कार्यालय भवन निर्माण गरिएको छ । दमक–५ स्थित......

मुआब्जा समस्या समाधान गरी द्रुतमार्ग अघि बढ्छ : उपप्रधानमन्त्री पोखरेल

मङ्सिर २७, काठमाडौँ – उपप्रधानमन्त्री ईश्वर पोखरेलले ‘काठमाडौँ तराई/मधेश द्रुतमार्ग’को प्रवेशविन्दु......