बन्ने भयो ‘भैरे २’

प्रकाशित मिति: August 10, 2018 4:18 pm

साउन २५, काठमाडौं । साउन ४ गतेबाट प्रदर्शनमा आएको फिल्म ‘भैरे’ को दोस्रो पार्ट बन्ने भएको छ । बिहीवार राजधानीमा एक कार्यक्रमका बीच निर्माण टिमले ‘भैरे २’ निर्माण गर्ने घोषणा गरेको छ ।

फिल्मले नेपालबाट लगानी सुरक्षित गरेसँगै दोस्रो सिरिजको तयारी थालेको निर्माता प्रेम प्रसाद पौडेलले बताए । उनले ‘भैरे’ को सफलताको श्रेय दर्शक र मिडियालाई दिँदै भने, ’हामी नेपालबाटै सुरक्षित भएका छौं । अब दोस्रो भाग निर्माणमा लाग्छौं ।’

‘भैरे २’ को निर्देशन पनि एभरेष्ट सूर्य बोहराले नै गर्नेछन् । फिल्ममा केही नयाँ र पुराना कलाकारहरु हुने निर्देशक बोहराले बताए । उनले भने, ’दोस्रो सिरिजमा केही नयाँ कोशिश गर्ने छौं । ‘भैरे’ मा भएका कमी कमजोरीहरु दोस्रो पार्टमा नदोर्होयाउन हामी सर्तक रहने छौं ।’

निर्माता पौडेलले केही दिनमा फिल्मको नेपाल कलेक्सन सार्वजनिक गर्ने प्रतिबद्धता जनाए । उनले फिल्मको विदेशमा राम्रो डिमाण्ड रहेको बताएका छन् ।

सम्बन्धित शीर्षकहरु

आयोजना पार्टीकरण गरियो : काङ्ग्रेस नेता महत

नारायणपुर, ३ माघ – नेपाली काङ्ग्रेसका नेता डा रामशरण महतले आयोजना सञ्चालन हुन नसक्दा विकास बजेट खर्च हुन......

बस दुर्घटना अपडेट : सातको मृत्यु, ३१ घाइते, हेलिकप्टरबाट काठमाडौँ ल्याइँदै

गलकोट, ३ माघ – म्याग्दी जिल्लाको बेनीबाट चितवनको नारायणगढतर्फ जाँदै गरेको ग१ख ६१०८ नं को बस पर्वत कुश्मा......