रुपन्देहीमा ३ दिनमा ५ जनाको मृत्यु

प्रकाशित मिति: August 10, 2018 5:52 pm

साउन २५, काठमाडौं । रुपन्देहीमा आत्महत्याबाट ३ दिनमै पाँच जनाको मृत्यु भएको छ । जिल्लाका विभिन्न स्थानका चार जनाले झुण्डिएर र एकजनाले विष सेवन गरेर आत्महत्या गरेको जिल्ला प्रहरी कार्यालय रुपन्देहीले जानकारी दिएको छ ।

आत्महत्या गर्ने सबै ३० वर्षमुनिका छन् । प्रहरीका अनुसार शुक्रबार मात्रै कञ्चन गाउँपालिका ४ सुनगाभा चोक बस्ने २० वर्षकी शर्मिला परियारको विष सेवनबाट मृत्यु भयो । विवाहित शर्मिलाको उपचारको क्रममा युनिभर्सल मेडिकल कलेज भैरहवामा मृत्यु भएको हो । श्रीमानश्रीमतीबीच झगडा भएपछि विष सेवन गरेको पाइएको प्रहरीको भनाइ छ ।

यसअघि बिहीबार सियारी गाउँपालिका ३ का ३० वर्षका नरेश कुमालले आफ्नै घरमा झुण्डिएर आत्महत्या गरेका थिए । बुधबार कञ्चन गाउपालिका १ कि २८ वर्षकी विष्णुमाया कुमालले घरमै झुण्डिएर आत्महतया गरेकी थिइन् । मंगलबार तिलोत्तमा १३ कि २७ वर्षकी गंगा कुमालले झुण्डिएर आत्महत्या गरेकी जिल्ला प्रहरी कार्यालय रुपन्देहीले जानकारी दिएको छ ।

बिहीबार नै सिद्धार्थनगर १३ मा हाटबजारमा रहेको छाप्रोमा एक जनाले झुण्डिएर आत्महत्या गरेका छन् । घरायसी झगडा,आर्थिक अवस्था अति कमजोर र प्रेम सम्बन्धमा खटपटका कारण आत्महत्याका घटना बढेको प्रहरीको भनाइ छ ।

सम्बन्धित शीर्षकहरु

काङ्ग्रेसको कार्यालय भवन निर्माण

मङ्सिर २७, दमक – नेपाली काङ्ग्रेस झापा क्षेत्र नम्बर ५ को पक्की कार्यालय भवन निर्माण गरिएको छ । दमक–५ स्थित......

मुआब्जा समस्या समाधान गरी द्रुतमार्ग अघि बढ्छ : उपप्रधानमन्त्री पोखरेल

मङ्सिर २७, काठमाडौँ – उपप्रधानमन्त्री ईश्वर पोखरेलले ‘काठमाडौँ तराई/मधेश द्रुतमार्ग’को प्रवेशविन्दु......